TIRANE - 21 shkurt 2012 ( alblink.com ) - Kerkohej nga drejtesia shqiptare per vrasje dhe prangoset ne Itali.

Burimet zyrtare bejne te ditur se "Zyra Qendrore Kombëtare Interpol Tirana informon se në Domodossola, Itali, është arrestuar me qëllim ekstradimi drejt vendit tonë, drejt vendit tonë shtetasi shqiptar i shpallur në kërkim ndërkombëtar, Fiqiret Hamit SEFERI, vjeç 48, lindur në Luz i Vogël/Kavajë.

Gjykata e Rrethit Gjyqësor Kavajë, me vendimin nr.133, datë 15.12.2009, e ka dënuar shtetasin Fiqiret Seferi, me 18 (tetëmbëdhjetë) vjet burg, për kryerjen e veprës penale të "Vrasjes së kryer në bashkëpunim"".

Seferi është shpallur fajtor pasi më datën 06.03.2006, pas një konflikti në gjendje të dehur, në bashkëpunim edhe me shtetasin Luftim Kibja, ka goditur me thikë duke i shkaktuar vdekjen shtetasit Artur Meta.

Si rezultat i bashkëpunimit të Interpol Tirana me Interpol Romën, më datë  20.02.2012, u bë i mundur arrestimi i këtij shtetasi me qëllim ekstradimi drejt vendit tonë.