TIRANË - 17 Shtator - Shqipëria dhe Çekia do të rrisin bashkëpunimin dypalësh në shëndetësi dhe shkenca mjekësore, pas nënshkrimit të marrëveshjes midis ministrive përkatëse të të dy vendeve.

Për këtë qëllim, ministri i Shëndetësisë, Petrit Vasili dhe homologun e tij çek, Leoš Heger, kanë nënshkruar në Pragë marrëveshjen e bashkëpunimit.

Sipas Vasilit, marrëveshja i vjen në ndihmë bashkëpunimit ndërkombëtar në fushat e shëndetësisë dhe shkencave mjekësore, por edhe nevojës për forcimin e marrëdhënieve të përbashkëta dypalëshe.

Ndërsa, ministri çek Heger vlerësoi ecurinë e reformës në shëndetësinë shqiptare.