TIRANE - 6 Mars 2012 - Rreth 105 sipërmarrës shqiptarë lidhën vjet kontrata me biznesin kinez në vlerë 418 milionë usd në Panairin kinez të Import-Eksport në Canton, duke rritur shkëmbimet tregtare Shqipëri- Kinë.

"Shkëmbimet tona tregtare arritën në 2011 në vlerën 440 milionë usd, eksportet u rritën 41.3% dhe importet me 5.5%", tha të martën Vang Rungshing, drejtor i Qendrës së këtij panari.

Ai u shpreh i gatshëm të ofrojë lehtësitë për lidhjen e kontratave me biznesin dhe vlerësoi interesin e tregut kinez për prodhimet ushqimore shqiptare.

Kreu i Dhomës së Tregtisë së Tiranës, Nikolin Jana i pranishëm në një forum biznesi me Ambasadën e Kinës në Tiranë paraqiti disa mundësi në prezantimin e prodhimeve kineze në panaire.

"Shqipëria i ka mundësitë të afrojë një zonë të lirë kineze, ka mundësi të mëdha portuale për zgjerimin e bashkëpunimit në tregun vendas dhe atë rajonal", tha Jaka.